ಇದೊಂದು ಆಂದೋಲನ. ಕನ್ನಡ ಮಾಧ್ಯಮದಲ್ಲಿಯೇ ಐಎಎಸ್‌ ಪರೀಕ್ಷೆಯನ್ನು ಬರೆದು ನೀವೆಲ್ಲ ಯಶಸ್ಸು ಗಳಿಸಬೇಕೆನ್ನುವುದು ನನ್ನ ಪ್ರಾಮಾಣಿಕ ಆಸೆ. ಇದಕ್ಕಾಗಿ "ಕನ್ನಡದಲ್ಲಿಯೇ ಐಎಎಸ್‌ ಮಾಡಿ" ಎಂಬ ಈ ಆಂದೋಲನವನ್ನು ಈ ವಿಶಿಷ್ಟ ಜ್ಞಾನ ಕುಟೀರದಿಂದ ನಾನು ಆರಂಭಿಸಿದ್ದೇನೆ– Ias Monk

ಕನ್ನಡದಲ್ಲಿಯೇ ಐಎಎಸ್‌ ಮಾಡಿ:

Stopping by Woods on a Snowy Evening

-By Robert Frost

Whose woods these are I think I know.   

His house is in the village though;   

He will not see me stopping here   

To watch his woods fill up with snow.   

My little horse must think it queer   

To stop without a farmhouse near   

Between the woods and frozen lake   

The darkest evening of the year.   

He gives his harness bells a shake   

To ask if there is some mistake.   

The only other sound’s the sweep   

Of easy wind and downy flake.   

The woods are lovely, dark and deep,   

But I have promises to keep,   

And miles to go before I sleep,   

And miles to go before I sleep.

ಕೊನೆಯ ನಾಲ್ಕು ಸಾಲುಗಳನ್ನು ಗಮನಿಸಿ. ಈ ಸಾಲುಗಳು ನಿಮ್ಮ ಪರೀಕ್ಷಾ ಸಿದ್ಧತೆಗೆ ಸ್ಫೂರ್ತಿ ನೀಡಲಿ. ಹಾಗೆಯೇ ಈ ಕವನದಲ್ಲಿ ನಿಮಗೆ ಅರ್ಥವಾಗದ ಕಠಿಣ ಪದಗಳು ಎಷ್ಟು? ಎಣಿಸಿ. ಸಂಖ್ಯೆಯನ್ನು ಒಂದು ನೋಟ್‌ಬುಕ್‌ನಲ್ಲಿ ಬರೆದುಕೊಳ್ಳಿ ಮತ್ತು ಆಯಾ ಪದದ ಅರ್ಥವನ್ನು ಇಂಗ್ಲಿಷ್‌ ಶಬ್ದಕೋಶದಿಂದ ನೋಡಿ ಬರೆದುಕೊಳ್ಳಿ. ಹಾಗೆಯೇ ಈ ಕವನವನ್ನು ಕನ್ನಡಕ್ಕೆ ಭಾಷಾಂತರಿಸಲು ಪ್ರಯತ್ನಿಸಿ. ಈ ಮೂಲಕ ನಿಮ್ಮ ಇಂಗ್ಲಿಷ್‌ ಜ್ಞಾನವನ್ನು, ಕನ್ನಡ ಭಾಷೆಯ ನಿಮ್ಮ ಶಬ್ದ ಭಂಡಾರವನ್ನು ಸಮೃದ್ಧಗೊಳಿಸುತ್ತ ಹೋಗಬಹುದು.

ಉದಾಹರಣೆಗೆ ಇಲ್ಲಿ woods ಅಂತ ಇದೆ. ಇದರ ಅರ್ಥ ಕಟ್ಟಿಗೆಗಳೇ? ಹಾಗೆಯೇ miles ಅಂತ ಬಂದಿದೆ. ಕನ್ನಡದಲ್ಲಿ mile ಗೆ ಏನಂತಾರೆ? ಇವೇನೂ ಅಂತಹ ಕಠಿಣ ಶಬ್ದಗಳಲ್ಲ ಆದರೂ ಚಮತ್ಕಾರ ಹೊಂದಿವೆ. wood ಎಂದರೆ ಕಟ್ಟಿಗೆ. ಆದರೆ woods ಎಂದು ಬಂದಾಗ ಅದು. ಮರಗಳು-ಕಾಡು-ಅರಣ್ಯ ಎಂದು ಅರ್ದಥಲ್ಲಿ ಆಳವನ್ನು ಸಾಧಿಸುತ್ತದೆ. ಹಾಗೆಯೇ ಕುವೆಂಪು ಅವರು ತಮ್ಮ ಒಂದು ಕವನದಲ್ಲಿ ಅರಣ್ಯಕ್ಕೆ “ವಿಪಿನ” ಎಂದೂ ಬಳಸಿದ್ದಾರೆ. ಇದಕ್ಕೆ ಕಾನನ ಎಂದೂ ಅರ್ಥ ಇದೆ. ನೋಡಿ ಒಂದು ಶಬ್ದದಿಂದ ಏನೆಲ್ಲ ಸಮಾನಾರ್ಥಕ ಶಬ್ದಗಳು ಹೊರಡುತ್ತವೆ ಮತ್ತು ಅರ್ಥದ ಆಳ ಹಿಗ್ಗುತ್ತದೆ! ಅದಕ್ಕೇ ಕೇಶಿರಾಜ ಶಬ್ದಮಣಿ ದರ್ಪಣದಲ್ಲಿ ಹೇಳಿದ್ದಾನೆ : “ಶಬ್ದಪಾರಮಾರ್ಗಮಶಕ್ಯಂ”! ಅಂದರೆ ಶಬ್ದವೊಂದರ ಅರ್ಥದ ಆಳವನ್ನುಕಾಣುವುದು ಅಸಾಧ್ಯ ಎಂದು. mile ಗೆ ಕನ್ನಡದಲ್ಲಿ ಸಮಾನ ಪದ ಇಲ್ಲ. ಆದರೂ ಕನ್ನಡದ್ದೇ ಅನ್ನುವಷ್ಟು ಈ ನೆಲದಲ್ಲಿ ಅದು ಹಾಸುಹೊಕ್ಕಾಗಿಬಿಟ್ಟಿದೆ. ಹೀಗಾಗಿ ಐಎಎಸ್‌ ಮುಖ್ಯ ಪರೀಕ್ಷೆ ಬರೆಯುವಾಗ ನೀವು ಎಲ್ಲ ತಾಂತ್ರಿಕ ಶಬ್ದಗಳಿಗೂ ಕನ್ನಡದ ಒಂದು ಸಮಾನ ಶಬ್ದವನ್ನು ಬರೆಯಬೇಕೆಂಬ ತಪ್ಪು ತಿಳಿವಳಿಕೆಗೆ ಒಳಗಾಗಬೇಡಿ. ಬಸ್ಸು, ಮೈಲು, ಕಂಪ್ಯೂಟರ್‌ (ಗಣಕಯಂತ್ರ) ಶಬ್ದಗಳನ್ನು ಹಾಗೆಯೇ ಬಳಸಬಹುದು. ಆದರೆ ಗ್ರೀನ್‌ ಹೌಸ್‌ ಎಫೆಕ್ಟ್‌, ಗ್ಲೋಬಲೈಜೇಷನ್…‌ ಇಂತಹ ಶಬ್ದಗಳಿಗೆ ಕನ್ನಡದ ಶಬ್ದಗಳನ್ನು ಬಳಸಿದರೆ ಅದು ನಿಮಗೆ ಹೆಚ್ಚು ಅಂಕಗಳನ್ನು ತರುತ್ತದೆ.

ಮುಂದಿನ ಭೇಟಿಯಲ್ಲಿ ಐಎಎಸ್‌ ಪೂರ್ವಾಭಾವಿ ಪರೀಕ್ಷೆಗಳ ಪ್ರಶ್ನೆಪತ್ರಿಕೆಗಳನ್ನು ಕನ್ನಡದಲ್ಲಿ ಅರ್ಥೈಸಿ ಕೊಂಡು ಸಮರ್ಥ ಉತ್ತರಗಳನ್ನು ಹೇಗೆ ಕೊಡಬಹುದೆಂದು ನೋಡುತ್ತ ಹೋಗೋಣ. ಹಾಗೆಯೆ ಒಂದು ಮುಖ್ಯ ಘೋಷಣೆ : ನಾನು ಐಎಎಸ್‌ ಶಬ್ದಕೋಶ ವೊಂದನ್ನು ನಿರ್ಮಿಸಿದ್ದೇನೆ. ಅದನ್ನೂ ಇಲ್ಲಿ ಒಂದೊಂದಾಗಿ ಚರ್ಚೆ ಮಾಡುತ್ತ ಹೋಗುತ್ತೇನೆ. ಇದು ನಿಮ್ಮ ಪರೀಕ್ಷಾ ತಯಾರಿಗೆ ಅತ್ಯುಪಯುಕ್ತವಾಗಲಿದೆ.

-IAS Monk